157 pasahero ta pèrdè nan bida den aksidente aéreo registrá na Etiopia

87
Algun di e famia di e víktimanan despues di konosé e notisia.

ETIOPIA – E aerolínea Ethiopian Airlines, a konfirmá morto di e víktimanan di un aksidente aéreo reportá den oranan di ayera mainta. A indiká ku entre esaki nan tabata 18 kanades, 8 chines, 8 estadounidense, 8 italiano, 7 franses, 7 britániko, 5 hulandes, 4 indio i 4 persona di Slovakia.

Te ainda no ta konosí kiko ta loke por a kousa e aksidente aki, kua a keda registrá poko despues di a lanta for di e aeropuerto Bole del Boeing 737-8 MAX, kua tabata nobo i a keda entregá na e kompania na luna di novèmber último.

Segun komunikado ofisial di e empresa, ta kere ku 149 pasahero i ocho miembro di e tripulashon tabata abordo di e Boeing 737 ku a aksidentá seis minüt despues di a lanta for di Adís Abeba i tabata direkshon di e kapital di Kenia, Nairobi.

E aksidente a keda registrá serka di Bishoftu, na 31 mia sùit di e kapital na 8.44 di mainta.