Serena: “ Mi a kuminsá sinti un kansa i maya durante dje partido”

79
Fot serena: Serena Williams di kende pa problemanan di salu a hañ’é obligá ta retirá for dje torneo ku ta hunga den e desierto californiano.

CALIFORNIA,  – E regreso di Serena Williams riba pistanan di tènis despues di keda eliminá den kuartfinal dje Habri di Oustralia  den luna di yanüari,  tabatin e speransa pa tin un bon aktuashon den Indian Wells, pero e problemanan di salu a obligá e tenista  estadounidense  na retirá for dje torneo di  desierto californiano.

E ganadó dje 23 títulonan di  Grand Slam i ku a ganá  den rònt anterior  di e  bielorrusa Victoria Azarenka den un intenso partido ku skor di  7-5 i 6-3, mester a bandono  su partido kontra di spañó Garbiñe Muguruza, porsierto number 20 ránking di WTA.

Sera konfrontá problemanan físiko, pa ta mas eksakto ku halamentu di rosea.

“Promé ku e partido kaba mi no tabata sintimi bon, miéntras despues e kos a kuminsá  empeorá kada sekònde mastantu, mi a kuminsá sintimi manera mi no por hala rosea i tambe maya”, asina Williams a duna di konosé despues di e partido.

Garbiñe tambe a tuma nota ku  “algu tabata pasando” na final dje promé set.

“Mi mi imaginá ku e no ta sintié bon.  Pero mi ta kere Serena a kuminsá di forma hopi agresivo ku sùrf, ku su tirunan, ku su tirunan i tabata dominante”, asina Muguruza a duna di konosé, ku porsierto  den oktavo final ta bai enfrentá e belga  Kiki Bertens.