Tyron De Freitas eks Buleria ta bai forma parti di DLS na Aruba

295
30 di aprel e ta hasi su debut den agrupashon musikal D’-Licious na Aruba.
WILLEMSTAD,—-Na Aruba tambe tin diferente moveshon ta tuma lugá den nan farándula. No ta un sekreto ku ‘E Mulina’, tin konekshon tur kaminda ora ta trata di farándula, na Aruba tambe nos tin nos hende nan ku ta manera ta ei nan nos ta biba.

For di djabièrnè nos a haña informashon ku e kantante ku den pasado e forma parti di agrupashon musikal Buleria Tyron De Freitas a pasa forma parti di agrupashon musikal D’-Licious ku ta e banda di e popular kantante kompositor Jerrino “Bass” Ridderstap.

‘E Mulina’, tin informashon ku Tyron su debut lo bai ta dia 30 di aprel den un fiesta kaminda ku lo bai tin e kombinashon forma pa D’-Licious i direktamente for di Kòrsou e banda GENTZ TRE’CHIC. ‘E Mulina’, di tur manera a purba na drenta den kontakto ku Jarrino pero sin por a logra di hañ’é na liña.

Loke si nos por bisa ku nos fuente na Aruba nunka a yega di faya ku su informashon nan. Esaki ta nifiká ku 30 di aprel lo bai ta un dia grandi den e farándula na Aruba. Paso ta e dia ku Tyron De Freitas ta bai hasi su debut den agrupashon musikal D’-Licious i tambe nos ta bisa ku e ta bai hasi esaki ku un piesa nobo, nobo ku ta un komposishon di Jerrino “Bass”Ridderstap.