Vehíkulo hòrtá deskubrí den aria di Heintje Kool

589

Willemstad— Polis mester a bai den aria di Heintje Kool unda un biaha mas ladronnan a bai laga un vehíkulo prosedente di ladronisia atras.

Tabata djasabra den oranan di mainta trempan ku Polis a haña e notfikashon ku den e aria di Heintje Kool mihó konosí komo Draga mester tin un outo stashoná for di kual ya a logra di kita piesa bai kuné. Na yegada di Polis na e sitio indiká a bin topa ku un vehíkulo di e marka Kia Picanto kual resientemente a ser hòrtá. Por a tuma nota ku a kita partinan tantu padilanti komo patras bai kuné. Polis a pidi asistensia di un kran pa asina por a transportá e vehíkulo bai warda kuné pa mas investigashon.