Zidane lo bira mister nobo di Real Madrid

88
Fot zidane: Zinedine Zidane (L) lo ta e mister nobo di Real Madrid pa asina sustituí Santiago Solari. E presidente Florentino Perez parse kombensé e franses pa e bini bek, aunke lo bini ku algun eksigensia.

MADRID,  – Zinedine Zidane lo ta e mister nobo di  Real Madrid pa asina sustituí Santiago Solari. Segun e  programa ‘Jugones’ de La Sexta a anunsiá di forma eksklusivo ta ku, Zinedine Zidane, ta regresá  Real Madrid i lo inkorporá su mes na ekipo  madridista.

E direktiva di Real Madrid a ofisialisá e desishon djaluna atardi 6or.

Zidane di kende  200 dia  pasá a bandoná Real Madrid a keda konvensé  finalmente pa e presidente di Real Madrid, Florentino Pérez, pa tuma e kargo nobo na kabes dje ekipo madridista.

Ta hopi tabata e negosashonnan, pero finalmente Zidane ku tabatin vários otro oferta a akseptá e trabou  dilanti di Jose Mourinho i otronan kandidatonan, ku finalmente a keda deskartá apesar ku e tabata alternativa di peso.

Presisamente, Santiago Solari, mes a dirigí e training djaluna tòg den un ambiente ku poko tenshon.  E hungadónan te ainda ta apoy’é,  pero segun tur kos ta indiká e presidente Florentino Perez ya a krusifik’é kaba.

No sa si Solari lo a haña tempu pa despedí di e plantel ku di antemano a duna e plantel un dia deskanso djamars, miéntras djarason tur aktividat lo aktivá bek den ekipo blanku.

 

Vigilante 7 mart

Rumor fuerte ku Florentino a buska Zidane pa bin mesora

Aunke ku tin rumor entorno un entrenadó pa sustituí   Santiago Solari ku ta mustra den direkshon dje polémiko  Jose Mourinho na Bernabéu, parse tòg e último informashon  ta mustra  un regreso mas serka di Zinadine  Zidane. 

Tabatin  informashon for di siman pasá ku  Real Madrid lo a pidi e mister franses pa regresá riba banki dje ekipo blanku den e próksimo oranan.

Florentino lo a intentá di trese ku karakter di urgensia e mister franses, Zinedine Zidane, pa asina kibra e krísis aktual dje ekipo i inyektá di tantu fanatikononan komo den plantel mes. Aparte dje kosnan promé menshoná tambe di konstruí un ekipo pa otro temporada.

Kiko tabata e motibu dje promé separashon entre  Zizou i Real

Zidane a renunsia komo mister dje ekipo blanku despues di  tabatin un desakuerdo ku e presidente dje ekipo Florentino Perez, pa lokual ta kompra di hungadónan den zomer próksimo.

E harmado di wega di Chelsea, Eden Hazard, ta un dje hungadónan  ku e  entrenadó franses tabata ke den e plantel na Santiago Bernabue.  Zidane tabata kera firma e internashonal belga, miéntras ku  Perez no tabatin interes den esaki.

Pero esaki no tabata  e úniko konflikto den nan dos, ya ku tambe a bini dilanti e asuntu dje kiper di  Manchester United, David de Gea. Esaki ta un dje hungadó ku Perez tabata ke, miéntras ku  Zidane na mas ku un okashon a bisa e presidente  ku ta masha kontentu ku e internashonal kostarisense, Keylor Navas.

E mister franses su último palabranan tabata: “ Ami ta kla ku e kos aki. Abo tuma enkargo dje ekipo den futuro. ”