Shete morto registrá pa fuerte yobida den region di Sao Paulo

63
Inundashonnan registrá pa e fuerte yobida.

RIO DE JANEIRO – Un total di shete persona a pèrdè nan bida i otro vários a keda heridá pa fuerte yobida registrá den oranan di djadumingu den e region di Sao Paulo, Brasil. Esaki segun informe duná pa e kuerpo di bombero di e estado.

Na e munisipio di Ribeiräo Pires, kuater persona a pèrdè nan bida i dos a resultá heridá na momentu ku un bibienda a derumbá, esaki miéntras ku otro dos persona a pèrdè nan bida na Avenida dos Estádos i un di shete víktima na Säo Bernardo do Campo.

Segun bomberonan, te ainda mester a atendé ku 78 palu di mata ku a bini abou i a registrá un total di 76 avalancha di tera i 698 inundashon na diferente zonanan di Sao Paulo.

E avalanchanan di tera a provoká derumbe di kuater bibienda na diferente zonanan, kua a laga saldo di vários herido.