Venezolanonan ta kue awa den riu kontaminá debí na skarsedat

148
Personanan ku tabata kue awa for di e riu.
CARACAS – Desena di personanan di Caracas a disidí den oranan di ayera, di bai kua awa kontaminá di e riu Guaire. Esaki debí na e imposibilidat di risibí awa na kas pa kousa di e pèrdida di koriente ku ta afektá e pais for di djaweps siman pasá.

El Guaire, kua ta pasa mei mei Caracas di un banda pa otro, ta esun ku ta risibí e restunan líkido di kasi henter e siudat i su nivel di kontaminashon ta sumamente haltu i konosí rònt e pais.Guarda Nacional Bolivariana a invadí e zona na momentu ku un kantidat di hende a kuminsá agrupá nan mes na e sitio i pasa via e outopista di Francisco Fajardo, kua ta e via prinsipal di e siudat.

Un bisiña di e zona, konosí komo San Agustin situá na ost di Caracas, a aserká su mes na e riu ku dos bòter pero ya na e momentu ei outoridatnan a presentá i a impedí esaki di por kue awa for di e riu.Esaki a indiká na medionan di komunikashon ku e i su yunan ya no tin awa ni sikiera pa bebe i den mesun rosea el a kritiká ku outoridatnan a yega di e forma ei i impedí ku por a sigui kue awa.

E kapital venezolano a manesé den oranan di djaluna último ku energia parsial despues ku a restituí e servisio eléktriko na gran parti di Caracas. Esaki despues di e pèrdida di koriente masivo registrá den oranan di djaweps tras di lomba, kua a afektá hopi region di Venezuela i hopi ainda ta sin koriente.E kapital ta reportá algun zona ku ainda no tin lus miéntras ku otronan ta haña esaki pa algun ratu i despues pèrd’é bèk. Esaki ta e situashon na e pais for di djaweps na alrededor di 5or di atardi.

Den e zona unda e servisio a keda restourá, a keda tòg afektá despues pa eksploshon di transformatòrnan manera ku a tuma lugá den e munisipio di Baruta.E regionnan ku ainda ta sin servisio di koriente for di djaweps, ta entre otro Yaracuy, Guárico, Portuguesa, Sucre, Anzoátegui, Trujillo, Lara, Mérida i Zulia.