Hóben (18) detené pa maltrato den Urk

70
imagen di hobennan den kas na Urk
URK—Polis a detené un hóben di 18 aña di Urk pa maltrato den un kas na Noorderpalen den e siudat.

Algun hóben a drenta den e kas ayera nochi i a kuminsa bringa ku e habitantenan. Aki un dama di 36 aña a keda levemente heridá. Un grupo di alrededor di 5 hoben a reuni dilanti e kas. Tabatin un diskushonk u un habitante kaba mas tempran na un snek den bario. Den i rondó di e kas a surgi un pelea ku a sali for di man ku mester a yama polis pa kita nan for di otro. Nan a sende kandela tambe i tira ku vürwerk. Polis mester a pidi asistensia for di otro munisipionan. Un konflikto den esfera relashonal tabata e motibu di e pelea segun polis. E dama ku a keda heridá a hasi denunsia di maltrato huntu ku un hoben di 18 i un dama di 19. Ta trata di un famia di desendensia marokano. E sospechoso (18) ku a keda detené a meldu na polis. Riba media sosial tin mensahe ta kore di menasa di un konfrontashon nobo. A pone tambe un video di un hende ku ta menasa ku arma. No ta sigur ken a pone esaki riba ret sosial. Polis i munisipio di Urk ta èkstra alerta. Burgemeester Maaren a hasi yamada pa tur hende keda leu di disturbio i insidentenan i pa no strobe servisionan di emergensia. Maaren ta bisa ta inaseptabel ku habitantenan di Urk a keda ataka pa e grupo. Tambe e ta asombra kuantu hende a kore yega na e sitio pa wak.