Willemstad— Manera un barku ku ta nabegá bou di bandera Kolombiano a drenta nos haf bai mara mesora a laga e tripulantenan baha pa asina por a kuminsá ku un kontròl.

Ayera den oranan di atardi un barku ku ta nabegá bou di bandera Kolombiano ku ta karga e nòmber di Maria De San Jose a nabegá drenta nos Haf mesora e la wòrdu instruí pa bai mara na Skalo. Ya einan miembronan di Duana, Polis i tambe  imigrashon  tabata kla para ta warda e yegada pa asina por a kontrolá tantu e tripulantenan komo e barku mes. A laga e tripulantenan baha ku nan ekipahe unda esakinan a wòrdu kontrolá. E personal di imigrashon a kontrolá e pasaportenan i tambe e dokumentonan di e tripulantenan pa nan final Duana subi e barku i a kontrolá esaki den tur huki. Ta trata di un barku ku a bin Kòrsou ku basta piska. No a bin topa ku nada partikular.  E dianan aki tur barku ku outoridatnan ta haña sospechoso ta ser listra.