Lugá pa stashoná outo ta keda un problema den Telamonstraat

882
Willemstad— ayera e tim multidisplinario a bai na dos semi hotèl ku ta situá den Telamonstraat pa asina por a realisá un kontròl.

Tabata mas òf ménos un kuater luna pasa ku e tim multidisplinario a bai na dos negoshi ku ta hür kamber ku ta situá den Telamonstraat. E motibu prinsipal ku a bai na e dos negoshinan tabata debí ku habitantenan di e kaya tabatin molèster ku e sistema di stashoná outo ya ku e semi hotèlnan aki no tabata disponé di un lugá pa stashoná outo. E tempu ei a splika e propietarionan ku nan mester laga konstruí un lugá pa stashoná outo pa nan negoshi. Tambe a b in tuma nota ku tabata trata di negoshinan ku tabatin mas di 10 kamber ta hür kual mesora ta kai bou di un pèrmit di Hotèl ku na e momento ei tampoko no tabata disponé. Miéntras tantu si nan a entrega un petishon miéntras un di e semi hotèlnan a kuminsá hasi e trámitenan pa por konstruí  un lugá pa stashoná outo. A duna ámbos sitio un tempu pa nan kaba di regla e inkumplimentunan si no ta sera nan mesora.