Magia di “ Pulga Atomico” den Camp Nou a manda FC Barcelona kuartfinal den Champions League

71
Fot lionell: Futbòl Club Barcelona despues ku Pique a skor riba pas’é un pas’é den teblachi ku Lionel Messi a dun’é. Tabata e di sinku gol pa forma e man yen.

CAMP NOU,  – E ekipo di FC Barcelona a klasifiká pa kuartfinal di  Champions League ekshibiendo show di futbòl den e último parti dje partido,  na unda biaha mas   Leo Messi a subi e ekipo riba su lomba i hasi e hungadanan na e momentu oportuno pa asina e plantel dirigí pa e mister, Ernesto Valverde, yega kuartfinal. 

“ Pulga Atomico” a presentá  ora ku ekipo di   Lyon tabata pone mas preshon riba e ekipo di Barcelona,  buskando un solo gol pa hasi e partido 2-2 ora ku e ekipo Catalan tabata dilanti 2-1.

Leo a skor dos gol i duna dos asistensia pa asina pa bòltu wega manera e tabata ke i sòru den mesun rosea pa otro show di futbòl manera e so por hasi semper.

Despues dje empate 0-0 den partido di Ida na Fransia tres siman pasá, FC Barcelona a ganá ayera ku un skor kontundente ku skor di  5-1 i klasifiká kuartfinal di Champions League.

Aparte di Messi tambe a skor Coutinho, Dembele i Pique, porsierto dos último aki a skor riba asistensia di “ Pulga Atomico.  Pa Lyon a skor Tousard, porsierto ku su gol a trese un tenshon den Nou Camp dado momentu, pero manera a keda apuntá ariba e Show tabata di Lionel Messi.

Kosnan Importante dje Partido:

FC Barcelona: Ter Stegen, Sergi Roberto (Semedo, 82′), Piqué, Lenglet, Jordi Alba, Busquets, Rakitic, Arthur (Arturo Vidal, 73′), Messi, Coutinho (Dembélé, 69′) i  Luis Suárez

Olympique  Lyon: Lopes (Gorgelin, 33′), Doubais, Denayer, Marcelo, Mendy (Cornet, 77′), Tousart, Ndombele, Marçal, Fekir, Depay (Traoré, 72′), Dembélé

Golnan: 1-0, Messi, de penalti (17′); 2-0, Coutinho (31′); 2-1, Tousard (58′); 3-1, Messi (77′); 4-1, Piqué (80′); 5-0, Dembélé (85′)

Rèfri: Szymon Marciniak (polaco). E la duna karchi hel na  Lenglet (48′) / Marçal (32′), Dembélé (45′)

Insidensianan:  Partido den Camp Nou dilanti di  92.346 fanátiko. Un  5.000 siguidó di Lyon den tribuna, porsierto algun di nan a protagonisá aktonan  violento den e  stadion barcelonista.