Muhé ta hinka su kasá mata despues di hañ’é ta violá su yu muhé

13197
Sitio unda outoridatnan a haña kurpa sin bida di e hòmber.
BUENOS AIRES – Paola Cordoba a konfesá di a hinka su kasá Elio Naiaretti, den fin di siman tras di lomba. Esaki a kue un kuchú den kushiná i a ataká e hòmber. Segun dòkternan, despues di investigashonnan hasí, a haña un total di 185 diferente hinká na diferente partinan di toraks, barika, lomba i brasa di e hòmber.

E muhé aparentemente lo a ataká e hòmber aki dilanti di otro yu muhé, mayor di edat, kende ademas a suma su mes na e atake violento aki. Ámbos muhénan a keda detené pa e motibu aki.E krímen a perturbá bisiñanan di e famia. Den deklarashonnan na medionan di komunikashon, esaki nan a konta ku e hòmber no tabatin un bon reputashon. Esaki aparentemente tabata konosí komo ‘Gitano’ i tabata dediká su mes na kompra i benta i tabatin vários denunsia pa estafa.

Inkluso algun a indiká ku e tipo tabata un di e pió nan i tur hende tabata sa ku e trata e famia sumamente malu.E situashon aki aparentemente lo a tuma lugá despues ku e mama a haña su kasá, violando su yu muhé chikí i esaki ta loke ku a provoká furia di tantu e mama mes komo e yu muhé grandi, kende nan a pone fin na bida di e hòmber.