Parlamento no kier ampliashon airport Rotterdam i Eindhoven

214
time-out pa ampliashon Eindhoven Airport
EINDHOVEN—Un mayoria den Tweede Kamer ta haña ku e kantidat di vuelonan for di airport regional no por amplia aktualmente.

Ta trata di airport Rotterdam i Eindhoven. Ku esaki parlamento ta sostené un deseo di partidonan di koalishon D66 i ChristenUnie pa un paro di kresementu. Rotterdam The Hague Airport i Eindhoven Airport kier krese mas pero D66 ku CU ku aktualmente ya tin molester pa habitantenan. Nan kier un time-out segun parlamentario Paternotte (D66). E plannan di kresementu mester wanta segun Bruins di CU. E habitantenan den e area mester keda sentral segun Bruins. Den regio no tin sosten pa kresementu. Mester wak prome si e airportnan por ta mas limpi i ketu. Segun Paternotte e airportnan regional no tin un funshon ekonomiko importante. Ta bini solamente mas vuelo aserka pa destinashonnan eksistente. Nan no tin funshon tampoko pa Schiphol. Den akuerdo di gobernashon no tin palabrashon riba kresementu di Rotterdam ku Eindhoven. Minister Nieuwenhuizen kier un desishon riba futuro di e airportnan pa fin di aña. Den koalishon CDA tin komprenshon pa e opinion di e dos partidonan, nos ta positivo pa e time-out, segun Amhaouch di CDA. Partidonan di oposishon SP, Groenlinks, Pvda, PVD, 50Plus i SGP tambe ta sostené e time-out pa ampliashon di airportnan regional aki. CDA kier hasi eksepshon si pa vuelonan di negoshi na Eindhoven, pasobra kompanianan di teknologia avansá den region tin nesesidat di esaki. Pero no pa vuelonan di plaser. VVD ta asombrá pasobra no tin petishonnan konkreto pa ampliashon di e airportnan aki segun Dijkstra. Ta muchu premature pa hasi deklarashonnan. Gabinete i parlamento ainda ta diskutiendo e plannan di ampliashon di Lelystad Airport. Meta ta pa tuma vuelonan di vakashon di Schiphol ku ya ta alkansando su máksimo. Den 2020 e ampliashon ta kla.