Polis ta tira hòmber mata ku a menasá nan ku hacha

1729
agentenan ta lòs tiru fatal riba sospechoso
ETTEN-LEUR—Un agente polisial a tira un hòmber fatalmente ayera mainta na Etten-Leur ku a menasá nan ku hacha.

Ta trata di un habitante di 57 aña di e siudat. El a menasa diferente bisiña i agentenan polisial tambe ku e hacha. Agentenan a haña un melding alrededor di 8’or mainta ku tabatin un hòmber poko konfuso tabata kana rònt ku un hacha den Muldersweg na Etten-Leur. E tabata aserka diferente persona den bario di manera agresivo. Ora polis a yega, el a menasá e agentenan i kana bai riba nan. Nan a lòs un tiru di atvertensia. Ora ku e hòmber no a reakshoná a lòs tirunan riba dje. Helikòpter di trauma i ambulans a yega na e sitio i a transportá e hòmber ku urgensia pa hospital. Aki el a bin fayesé di su heridanan.El a keda alkansá na su parti ariba. Reshèrshi a start un investigashon di e insidente fatal.