Truk ta kai riba outo; un morto

49
aksidente fatal entre truk ku outo
ROTTERDAM—Na Rotterdam un truk di tanki a bòltu riba Jacques Dutilhweg na un krusada i lastra un outo bai kune.

Seguidamente e truk a bòltu den banda i resultá riba e outo. Den e aksidente un persona a pèrdè su bida. E víktima di 21 aña tabata den e outo. E trùk posiblemente tabata bin di direkshon A16. E shofur a keda gravemente heridá i transportá pa hospital. E kousa di e aksidente no ta kla. Testigunan a bisa ku tabata parse ku e shofur di truk a pèrdè kontrol riba stur. E truk tabatin e supstansha isobutanol den e tanki. Segun inspekshon e supstansia ta levemente inflamabel, kompará ku alkohol. Afortunadamente no tabatin lèk ni kandela.