Un morto registrá den noufragio di un embarkashon ku migrante na Dominikana

123
Tipo di embarkashonnan ku dominikanonan ta usa den nan intento di biahe.
SANTO DOMINGO – Armada di Repúblika Dominikana a informá ku un hòmber a pèrdè su bida hogá i otro 15 mas a keda reskatá for di awanan di Karibe. Esaki despues ku un embarkashon ku kua nan tabata trata di yega Puerto Rico, a noufragá.

E embarkashon prekario aki a sali den oranan di djaluna mardugá for di playa La Caleta, ubiká na e provinsia di La Romana, ku un total di 16 hòmber abordo. Pero tabata na momentu ku e ta yegando e isla Catalina ku ola fuerte di e zona a kousa ku esaki a bòltu.

Un komunikado di e institushon a splika ku e hòmber ku a pèrdè su bida a keda identifiká komo ‘Carela’, kende a pèrdè su bida pa kousa di asfiksia den awa.Armada a indiká ademas ku den di e grupo di 15 personanan ku a keda reskatá, tin ademas e presunto kapitannan di e biahe frustrá, kende nan a keda identifiká komo Juan Pablo Medina i José Luis Montero Feliz, original di e provinsia di Barahona.

Ámbos a keda detené i lo keda someté na hustisia den e próksimo oranan.Den mesun rosea a indiká ku promé ku e suseso aki, outoridatnan a informá ku den e último 24 oranan a frustrá tres biahe klandestino i a sa di detené un total di nuebe persona, entre nan di nashonalidat hondureño.E operativonan aki a keda realisá na Baoba del Pinal, provinsia Maria Trinidad Sanchez, Playa Bonita, Las Terrenas i Playa Rincon.

Durante e akshonnan aki, segun a sigui indiká, a sa di okupá un total di tres embarkashon i vários bòternan di gasolin.