Baron di droga di Limburg detené

52
villa kaminda a detené Peter van D
LIMBURG—E baron di droga Peter van D. di Schinveld Limburg a keda detené den su villa despues ku hustisia a haña un suma kuantioso den su mansion.

E entrada a tuma lugá riba petishon di hustisia di Alemania, segun bosero di Ministerio Públiko di Maastricht. E akshon no tabata dirigí riba e baron mes. Pero si e tabata envolví den un kaso na Alemania. Su adrès na Schinveld a bini den e investigashon segun e bosero di OM. Den e akshon tambe a saka tur awa for di su pisina. No ta konosí si outoridatnan a haña algu den e tanki. Van D ta keda sospechá di labamentu di plaka. Lo e no keda ekstraditá pa Alemania. Peter van D (62) tabata un dje prome trafikantenan den komienso di añanan 90 ku tabata produsí píldoranan di xtc riba gran eskala. Pa e motibu ei nan a dune e nòmber Pillenkoning. E tabatin mal reputashon. Diferente biaha a pruba likidá Peter pero el a sobreviví tur biaha. Su nòmber a kai tambe relashoná ku 4 morto den Hilvarenbeek, pero nunka el a keda persigui pa esaki. Pa trafikashon di droga ku Greg Remmers D a haña un kastigu di 2 aña den 2000. 6 aña despues el a keda kondená na Bèlgika na 8 aña kastigu pa kontrabanda di hash. Un intento di hustisia pa kita 4,3 mion euro for di Peter D. relashoná ku kontrabanda di xtc a frakasá pa motibu di un fayo tékniko ku e dagvaarding. Peter van D. ta na number 80 di Top 100 di Krimen.