Dama arestá plumando outo na Zapateer

Miéntras otronan a kore bai

3803
Willemstad— Polis a logra di detené un persona for di e grupo ku tabata kitando piesa for di un outo den aria di Zapateer.

Tabata den oranan di mardugá ku polis a haña e informashon ku den aria di Zapateer mester tin un grupo ku tabata kitando piesa for di un outo stashoná na altura di Nos Welita. Polisnan a bai mesora na e sitio indiká i na yegada a surgi un korementu. Un dama ku tabata entre di e grupo si no a logra di kore bai i mesora a keda arestá na e sitio mes. Tambe polis a bin topa ku e vehíkulo ku nan a bin den dje. Durante di kontròl den e vehíkulo a bin topa ku tas i tambe identifikashon si sigur dos di e hòmbernan ku a kore bai ku a hasi e trabou di Polis mas fásil pa haña sa ken a kore bai. A konfiská e  vehíkulo di e sospechosonan i tambe dos tayer ku ya nan a logra di kita for di e outo. A bai warda ku e sospechoso pa mas investigashon.