“Den Do Mayó” a hasi su debut na Kanal 13

339
WILLEMSTAD,—-Lo bai ta un dia hopi grandi pa e presentadó di e programa di farándula “Den Do Mayó” Kòrá Faneite, paso  su programa ta kuminsá pasa na Kanal 13 TV Direct, esaki sin duda ta un seno di kada presentadó.

E programa “Den Do Mayó” ta hopi popular riba e plataforma di Facebook di Vigilante, kaminda ku e tabata pasa riba tur djabièrnè tres or di atardi. Awor tin un kambio pa ku e dia i tambe e ora ku e programa ta pasa riba Ficebook di Vigilante.

“Den Do Mayó” ta kuminsá pasa riba tur djarason pa mitar di 7 di anochi na Kanal 13 TV Direct. Nos a komprendé ku e presentadó Kòrá Faneite ta hopi kontentu ku porfin e dia grandi a yega. Un dia ku sigur ta bai den buki di historia di e presentadó. Mester bisa ku Kòrá Faneite tin un programa di farándula eksitoso na Radio Active 104.5, tambe e tin e parti di Farándula skibi di Korant Vigilante ku ta hopi kayente tur dia di nobo, i riba FaceBook e programa “Den Do Mayó” i  su debut na Kanal 13 TV Direct.

Djis promé ku Novela bo tin un sita ku Kòrá Faneite ku tin un invitado ku ta un popular kantante kompositor serka di bishita. Wak pa bo ta klaba pa asina bo no pèrdè nada pero nada di e programa di Farándula “Den Do Mayó” na Kanal 13 TV Direct.