“Dibo-D” den front di DLS djadumingu awor na Aruba

191
E ta na Aruba e wikènt aki den front di DLS.
WILLEMSTAD,—-E wikènt aki tin diferente di nos artista nan ku ta na Aruba pa nan presentá. Nos Rei di Tumba “Dibo-D” tambe ta na Aruba pa asina e presentá den un fiesta bailabel. E kantante kompositor areglista popular ta ser kompaña pa e agrupashon musikal D’-Licious.

Esaki no ta e promé biaha ku “Dibo-D” ta bai presentá na Aruba den 2019, paso algun siman pasa e la presentá den temporada di Karnaval, i esaki a resultá un presentashon eksitoso. Pa ku e wikènt aki ta un tabla ta bai bula, paso e kantante ta bai presentá algun di su hit nan ku agrupashon musikal D’-Licious.

Otro di nos artista ku tambe ta riba e lugá e wikènt aki ta Mc Monti. No ta un sekreto ku Mc Monti ta super popular na Aruba, i ta masha hopi presentashon mes e tin tras di lomba na Aruba. Mas di nos artista nan ku tambe ta riba e lugá ta e popular kantante Clinton Hato i tambe Dj RO-1.

Pues e wikènt aki nos artista nan lokal ta bai pone farándula na Aruba ariba abou. Paso sigur dos di e popular kantante nan lo bai tin presentashon riba mes un dia.“Dibo-D” ta den front di D’-Lious i Clinton Hato ta den front di Buleria. Nos artista nan ta bai saka kara sin duda e wikènt aki na Pais ruman Aruba.