Grupo Chikitous den Marcha di Seú ku Foyan Boyz di Boneiru

86
Nan ta na Kòrsou i nan ta bai wapa ku Grupo Chikitous.

WILLEMSTAD,—-Dia 22 di aprel ta e dia ku grupo nan di Seú ta bai subi i wapa den kaya nan di Kòrsou. Di informashon ku a drenta na mesa di redakshon di ‘E Mulina’, ta bisa ku e grupo Rítmiko Krioyo di Boneiru Foyan Boyz lo ta na Kòrsou i nan ta partisipá den nos marcha di Seú.

Nos tin informashon i alabes konfirmashon ku Foyan Boyz ta bai kompaña e grupo di Seú Grupo Chikitous. ‘E Mulina’, tin ku bisa ku e aña aki ta bai marcha di Seú pa di 11 okashon, nos tin informashon ku e disishon a kai na último ora.

‘E Mulina’, a haña informashon ku gerente di e grupo su pensamentu tabata pa wanta afó e aña aki, pero ora ku Seú ta sinta den bo sanger ta hopi difísil pa bo keda for di e fiesta di kosecha di mas grandi ku pais Kòrsou tin ku ta nos Seú.

Nos fuente a bisa nos ku ayera e desishon a kai ku Grupo Chikitous ta bai partisipá e aña aki pa di 11 okashon den marcha di Seú, i nan ta bai hasi esaki kompaña pa grupo Rítmiko krioyo direktamente for di Boneiru Foyan Boys. Esaki no ta e promé biaha ku Foyan Boyz ta bai marcha di Seú ku grupo Chikotous, paso na aña 2009,pues e aña aki ta pa di dos biaha ku nan ta ku e grupo ariba menshoná. Mas informashon ku nos ta disponé di dje ta bisa ku djadumingu awor Grupo Chikitous tin un reunion pa tur miembro i no miembro, esaki ta tuma lugá na buurtcentrum Sta- Maria di 3 or pa 5 or di atardi.