Hunneley Felicia tabata grandi den e programa di farándula “Den Do Mayó”

314
Un super artista sin duda.

WILLEMSTAD,—-Loke ku tur hende tabata pendiente pe a tuma lugá ayera. T’asina ku ya pa un siman hopi hende a keda pendiente pa e promé programa di farándula na Kanal 13 Tv Direct. Ta trata aki di e programa “Den Do Mayó” ku ta keda presentá pa Kòrá Faneite.

Ayera e invitado den e programa ariba menshoná tabata e super popular kantante kompositor Hunneley Felicia. T’asina ku e programa a kuminsá mitar di 7 di anochi, kaminda ku hopi kos a bin dilanti di Hunneley ku nunka ántes promé e la yega di papia di dje.

E programa “Den Do Mayó” a hala bastante atenshon ayera na Kanal 13 TV Direct. Un programa ku sin duda a pone hopi hende sinta riba nan punta di stul, paso Kura Faneite a hasi Hunneley Felicia algun pregunta ku a pone e artista keda hari so. Un pabien ta bai pa Kòrá Faneite i su programa di farándula “Den Do Mayó” ku sin duda lo bai bira otro programa eksitoso na Kanal 13 TV Direct.