Legendario kantante “Ataniro” ku otro piesa nobo riba merkado

218
Su piesa nobo “Te Paden” ya ta riba merkado.
WILLEMSTAD,—-Hopi kantante ta tuma e temporada di Kuaresma pa asina nan drenta den studio di grabashon, esaki ta loke ku e Legendario kantante di Aruba Janiro “Ataniro The Legend ”Eisden a hasi, e la kaba di pone otro piesa nobo riba merkado.

Titulo di “Ataniro The Legend” su piesa di mas nobo ta “Te Paden”, ta trata aki di un komposishon di e kantante mes. Mester bisa den mes un rosea ku e piesa nobo a sali ku su videoclip tambe. E sistema aki ta hopi pega na Aruba, kaminda ku artista nan ta graba piesa nobo i huntu kuné su videoclip.

Nos tin ku bisa ku tantu gran marcha i marcha di despedida e Legendario kantante den e género di Urban a presentá i e la hasi esaki den e forma ku e so por. No ta un sekreto ku “Ataniro” ta master den pone ambiente.

T’asina ku pronto e Legendario kantante lo bai tin algun presentashon den nos farándula. Di informashon ku nos tin ta ku e piesa nobo di “Ataniro” Te Paden” lo bai zona na Kòrsou den bos di e kantante mes. Djadumingu awor mes e kantante ta bai kantante su piesa nobo bibu den un aktividat grandi ku tin na Aruba e wikènt aki.