OM ku demanda di 4 aña pa eks-trahadó (22) di haf

34
hóben (22) sospechoso tabata fasilitá importashon kokaina den karga banana
DORDRECHT—Ministerio Públiko na Dordrecht a pidi 4 aña kastigu pa eks-trahadó (22) di haf na Rijnmond pa partisipashon den importashon di kokaina.

E hòmber a keda detené den un investigashon grandi riba importashon di kokaina via haf di Rotterdam. Den e investigashon a detené tambe un trahadó di servisio di Belasting i tres sospechoso mas. Nan lo mester presentá mas lat den korte di Rotterdam. Fiskal a yama e trahadónan di haf ku ta kontribuí na importashon di kokaina ‘e wowonan i oreanan di e organisashon kriminal”. E organisashon kriminal ta dependé di e trahadónan aki pa informashon riba yegada i ruta di e konteinernan den haf. E hòmber tabata entregá yabinan, bòn i informashon i ku esaki segun hustisia e ta komplise di importashon di kokaina. E hóben di Rotterdam probablemente tabata ambisioso pa plaka segun fiskal a bisa djamars den korte di Dordrecht. Danki na e sospechoso kriminalnan por a drenta den e lotsnan di banana prosedente di sur Amerika ku tabata kontene kokaina. Sigur un biaha a keda 17 kilo di kokaina atras. Pero e peso di e banana a baha ku 35 kilo, pues a saka sigur 18 kilo kokaina segun hustisia.