Tiroteo entre militar i ladronnan ta laga dos morto na Bolivia

40
Ámbos víktimanan mortal tabata e atakantenan.

LA PAZ – Un konfrontashon entre militarnan i ladronnan di mineral den e region Boliviano di Oruro a laga saldo di dos morto. E suseso aki a keda registrá den oranan di djamars anochi lat serka di e puesto di kontròl di Ehérsito Boliviano.

E ladronnan di mineral, ku tabata move den tres diferente vehíkulo, a lòs bala kontra e militarnan i a lansa karganan di dinamit kontra esaki nan. E patruya destiná na e sitio mester a respondé e atakantenan ku nan armanan, den defensa propio.

Komo konsekuensia di esaki, dos di e atakantenan a pèrdè nan bida, di kua un ya a keda identifiká komo José Luis Nicolás Garcia, di 31 aña di edat.

Ámbos a pèrdè nan bida miéntras nan tabata keda trasladá pa hospital di Oruro i Huanuni pa e militarnan, miéntras ku di otro banda, niun di esnan uniformá no a resultá heridá.

Segun a keda indiká, ta kalkulá ku tabatin entre 20 i 30 atakante i ku esaki nan tabata move den tres vehikulo, di kua dos a logra di hui for di e sitio i a otro a keda atras.

Di otro banda e empresa Minero Huanuni, a atvertí ku aña pasá ladronisia di mineral na su mina nan a provoká un pèrdida di asta 24 mion di dòler.