Trio atrakadó ta kibra drenta kas buskando sèn di penshun

Pareha habitante di kas na Kwartier a keda basta spanta

2208
Willemstad—Un pareha a keda atraká den nan kas na Kwartier unda a kue sèn i otro artíkulonan bai kuné.

Den oranan di mardugá Polis mester a bai na un kas den Kwartier pa un kaso di atrako. Einan a bin topa ku un pareha ku a splika ku den oranan di mardugá nan a tende un zonido fuerte pa despues tuma nota di tres tipo basta yòn para den nan kas. E trio a logra di drenta den e kas dor di destruí e  porta. A listra tur kaminda den e kas unda a logra di poderá di algu di plaka i tambe renchi di kasamentu. Na final nan a kuminsá pidi pa sèn di penshun i asta a splika e víktima ku nan kier e sèn di penshun ku e la kaba di haña for di Aqualectra. Ora e víktima a konvensé nan ku e no tin niun plaka mas nan a bandoná e sitio.