Robes: e rapòrt evaluadó su punto di salida ta kompletamente robes. Na promé lugá Refineria Isla lo no ta operashonal durante 2019 kompleto i finalmente no tin garantia ku lo skapa 60 mion den salubridat públiko.
Otrobanda—Despues ku presidente di CFT Raymond Gradus a indiká ku na Ulanda ta despues di 2 aña di malesa fondo di malesa ta kubri gastunan di trahadó, aktualmente tin intenshon pa na Kòrsou skùif e kantidat di dianan di 3 pa 5 dia.

Segun Gradus, na Kòrsou e pago di salario ta tuma lugá dos dia despues ku e empleado mèldu ousente debí na malesa. Na Ulanda esaki ta despues di 2 aña. Na Ulanda ta e doño di trabou tin di atendé su asuntu den kaso di ousensia i pago di salario. E menshon di Gradus ayera a bini despues ku e la tene su presentashon ofishal. E presidente di Cft alabes a bisa ku den kuadro di maneho di hinter e kontròl finansiero mester bini kambio. Entretantu SVB a proponé pa alargá e kantidat di dia pa mèldu ku kobertura di SVB te na 5 dia. Segun e banko sosial esaki lo skapa Kòrsou 5 mion florin anual. E benefisio finansiero lo bai dirèkt pa SVB.

Segun un rapòrt di e komishon evaluadó di presupuesto 2019-2022, tin un seri di medida ku por tuma pa salbaguardiá ménos défisit riba presupuesto di Kòrsou. Mayoria di e medida nan ta dirigí pa oumentá entrada den kaha di gobièrnu, lokual tei imponé un bahada den poder di kompra na Kòrsou. Fondo di penshun di amtenar ta hunga un ròl determinante pa yega na rekomendashon sano den kuadro di sanashon di e presupuesto di Kòrsou. Segun e komishon a kalkulá, e medidanan presentá lo tin efekto pa kita entre 140 pa 165 mion florin for di e défisit aktual. E medidanan ta karga e apodo di “ombuigingsvoorstellen”.  Segun e komishon, e proposishonnan lo skapa 55 mion florin anualmente. Te tuma 3 aña di medida, 2019 pa 2022. Esaki ta un menshon ku Raymond Gradus di Cft a menshoná for di medio 2018 ku awor a bira realidat. E komishon evaluadó, a sali fo’i un punto di bista, kual ta kompletamente robes. Segun nan punto di salida, e Refineria lo sigui drai, esaki t’e na e promé kwartal di 2019 no te kaso i probablemente pa hinter 2019 lo no sosodé tampoko. Chèns ta grandi, ku entre 2019 pa 2022, pueblo di Kòrsou lo tin di bai paga pa e añanan di mal gobernashon tras di lomba. Paga den forma di mas kontribushon sosial.