Ladronnan ta kibra pakus den Saliña saka kaha fuerte bai kuné

A bin hañ’é den SUV pero habri

369
Willemstad—–Polisnan mester a bai na e pakus Non Stop den Saliña pa un kiebro unda a kue un kaha fuerte ku kontenido bai kuné.

 

Den oranan di mardugá ladronnan hasiendo uso di un SUV kolo di oro mester a presentá na e pakus Non Stop den Kaya Max Henriquez unda a logra di kibra drenta den e negoshi bai paden. Na final a logra di hisa un kaha fuerte basta pisa hinka den un SUV bai kuné for di e sitio.

Den e bahul a bin topa ku e kaha fuerte.

Mas den oranan di mainta Polis a haña e informashon ku den aria di Sint Joris mester tin un SUV bandoná ku un kaha fuerte den esaki. Polis ku a bai na e sitio indiká e bin topa ku e vehíkulo ku a bin resultá di ta unu hòrta i tambe e kaha fuerte ku tabatin den e vehíkulo tabata netamente esun ku a ser hòrta for di den e pakus. Ya  a logra di habri e kaha fuerte pa asina por a saka e kontenido bai kuné. Polis a laga konfiská tantu e vehíkulo komo e kaha fuerte  bai kuné pa mas investigashon.