Ruman muhé ohochi arestá pa dos arma den kas

A haña basta atributo pa planta mariwana den nan kas na Brakapoti

1918
Willemstad—- Tim Divishon kontra krímennan Organisá a bolbe kanta bingo ora a drenta den un kas na Brakkeput Abou unda a konfiská dos arma di kandela i tambe basta atributo pa prosesá i planta mariwana.

Despues ku e tim di Divishon Kontra Krímennan Organisá a kompilá basta dato, Djaweps 14 di mart 2019, alrededor di 06.00 or di mainta, personal di Division di Krímen Organisá a tene entrada hudisial na un kas den área di Brakkeput Abou.

E entrada hudisial aki tabata dirigí riba violashon di Lei di Arma di Kandela.

Durante di un investigashon na e adrès ariba menshoná polis a haña i konfiská:

 1 arma di kandela ku bala skèrpi marka Glock;

 1 arma di kandela ku bala skèrpi marka Armi Tanfolgio Guiseppe;

 Un kantidat di atributo pa usa pa plantashon di mariwana.

En konekshon ku esaki a detené un ohochi di sekso femenino:

 G.R.P. di 26 aña di edat;

 G.L.P. di 26 aña di edat, ámbos nasé na Hulanda.

For di na e sitio nan a kuminsá bisa ku nada no ta di nan pero ta un amigu mester a bin hiba e artíkulonan pa warda i nan no tabata na altura ki funshon tur e aparatonan ei tabatin ni pa kiko nan ta wòrdu usa. Di e dos armanan di kandela  si nan no a bisa masha.

A presentá tur dos sospechoso dilanti un Fiskal Ouksiliar ku a ordená nan enkarselamentu pendiente di mas investigashon.