Blowi Genaro ta direktor musikal di e banda nobo ku ta na kaminda

153
E ta bai ta na kabes di un banda nobo pronto.
 WILLEMSTAD,—-Nada ku ta keda publiká riba e plataforma di Facebook rondó di e popular músiko Gino “Blowi” Genaro no ta kuadra ku bèrdat. Loke si ku ta kuadra ta e informashon ku ‘E Mulina’, ta trese riba e dia di awe rondó di Gino “Blowi” Genaro.

T’asina ku for di algun siman tras di lomba e músiko a keda aserka pa algun persona ku tin hopi influensia den nos farándula, i e aserkamentu ta pa “Blowi” ta na kabes di un agrupashon musikal ku mester bai kuminsá move den nos farándula i alabes e ta haña e posishon di direktor musikal di e banda nobo.

E tres persona nan ku ta para tras di e agrupashon musikal nobo ta Archel Calister Louchi Pietersz i Audric Richerson. Tur e tres persona na aki ta bon konosí den nos farándula. Archel ta gerente di GENTZ TRE’CHIC i tambe Club Sugar, Louchi den pasado tras di kortina tabata gerente di Rumba Band i Audric Richerson na kuminsamentu di ONE tambe tabata den gerente di banda.

I awor nan tres ta bai para 100% tras di un banda nobo, ku por sierto mester bisa ku gran parti di e músiko nan den pasado a yega forma parti di e banda Qsign MelloStreet. Pues esaki ta nifiká ku hopi di e informashon nan ku ta Sali riba Facebook no ta kuadra ku realidat, djis wak pa bo tin bo Korant Vigilante den bo man tur e dia nan aki, paso ta masha kos mes tin ta pasando den nos farándula lokal.