“ El pistolero” lo ta kla pa hunga Champions League kontra di Man U

93
Fot luis: Luis Suarez aki ku ekspreshon di doló riba su kara despues di kaba di sufri e leshon na su ènkel. Pero tur Barcelonista keda trankil paso aki 2 siman “ El Pistolero” lo ta bek.
 

 

BARCELONA,  – Bon  notisia pa Luis Suárez i pa  barcelonismo. E delantero uruguayo a sufri ‘solamente’ un “vereking” di promé grado den partido den wikènt último na  Villamarín, lokual ta nifiká ku e lo keda entre  10 i 15 dia for sirkulashon.

Di e forma aki e delantero ta pèrdè su kompromiso ku e selekshon di Uruguay i lo por ta na disposishon di  Valverde pa e derbi kontra di  Espanyol e próksimo 30 di mart.

Atraves di un komunikado  Barça a transmití e notisia mas spera djaluna. “ E  alkanse dje leshon di Suárez ku a bandoná Benito Villamarín kokochando ta ménos ku a keda pensa.  Pruebanan médiko ta konfirmá ku e hungadó tin vereking na su ènkel reks.  E tempu di leshon ta aproksimadamente entre 10 a 15 dia”,  asina e komunikado a duna di konosé.

Di e forma aki  Suárez por spar su mes di un biahe pa China ku e selekshon di su pais i den e mihó di kasonan e lo ta disponibel pa e  derbi kontra di  Espanyol dia 30 di mart próksimo.   Si Valverde no ke kore ningun rísiko ku e  charrúa, su reaparishon lo produsí dia 2 aprel na Villarreal, den un hornada intersemanal (mei mei siman). Pa último e kos di mas produnte ta e hecho ku  lo ta kla pa hunga e duelo den Wanda  dia 6 di aprel kontra Atleti, miéntras kuater dia despues e lo hunga den e partido di Ida kontra di Manchester United.