Giordano “Dano” Van Aanholt eks basista di Dolce awor ta ku ONO

93
Awor e ta forma parti di agrupashon musikal “ONE”.

WILLEMSTAD,—-Dia 25 di yanüari último ‘E Mulina’, a trese e informashon ku e popular músiko basista Giordano “Dano” Van Aanholt a bandoná agrupashon musikal Dolce Banda. Riba e dia en kiston e informashon a lanta basta stof den nos farándula.

For di dos siman pasa ‘E Mulina’, a haña informashon ku tin kombersashon i negoshashon ta tumando lugá entre gerente di agrupashon musikal “ONE” i e músiko “Dano”. Pa no stroba nada ‘E Mulina’,a laga ámbos partido negoshá den tur nan trankilidat.

Ayera a drenta e informashon ku gerente di “ONE” i Giordano “Dano” Van Aanholt a yega nan akuerdo ku otro. I for di ayera ofisial “Dano” ta e basista nobo di agrupashon musikal “ONE”. Esaki sin duda ta un super bon zèt di parti gerensia di “ONE”. Paso no tin duda ku “Dano” ta un tremendo músiko ku ta hinka 100% tras di loke mas e ta gusta hasi i esaki ta hasi músika di Kurason i no pa sèn, talento bo ta nanse kuné, sèn bo tin ku traha pa bo yega na dje pero den un forma sano si.