Homenahe i selebrashon 50 aña Melvin Landburg den farándula

252
4 di mei e ta selebrá 50 aña den farándula di Reino Hulandes.

WILLEMSTAD,—-Kuater di mei próksimo lo bai ta un dia hopi grandi den nos farándula lokal. Paso riba e dia en kuestion e Legendario kantante kompositor Melvin Landburg ta selebrá 50 anda aktivo den farándula di Reino Hulandes.

Mester bisa ku riba e dia ariba menshoná lo bai tin dòbel selebrashon, paso riba mes un dia lo bai tin un Homenahe tambe pa e Legendario kantante Melvin Landburg. E aktividat ta tuma lugá den International School, e show ta kuminsá 8 or di anochi, tambe lo bai tei diferente di Melvin su amigu nan kantante i músiko.

Melvin Landburg i su amigunan  invitá lo presentá un anochi di shou varia i na nivel i ta pidi tur hende i su fanatikada pa ta presente pa eksperenshá un  anochi ameno i inolvidabel. “Un Recordar es Vivir” ku kansionnan inolvidabel. Den e show tambe lo tin aktuashon di entre otro di ROMEO HEYER i YENTJE SILVANIE.

Un yamada ta bai na pueblo di Kòrsou i fanátiko nan i, pa kumpra nan karchinan tempran. Karchinan lo ta limitá. E anochi di  homenahe i show  ta titulá “REMEMBERING THE PAST, LIVING THE PRESENT”. Bo no por pèrd’é. Wak pa bo tambe tei. Karchinan ta optenibel na Mensing’s Kaminada, 24 uur uit de muur Sta. Maria,Tik Tak , Beep Beep RIO Canario i Brievengat, Van den Tweel supermarket Zeelandia i Jan Thiel.Empresanan komersial tambe por yama na  5106127 i tambe tempran  na porta. Pa reservashon i pago di karchi pa Banda Bou i Banda Ariba por yama tambe na mesun telefònnan.