Kiebro den Botica Brion na Otrobanda

A yena saku demasiado lubidando ku tin ku karga esaki bai kuné

321
Willemstad— Polis mester a bai  na altura di Botica Brion na Otrobanda pa un kiebro ku a laga tras basta destrukshon.

Den oranan di mardugá di djadumingu ladronnan a presentá na Botica Brion situá den Breedestraat Otrobanda na unda a logra di kòrta e parti di hèkwèrk pa asina por a yega na e porta. A destruí e glas di e porta pasa bai paden unda a usa un saku basta grandi pa yena tantu artíkulo den esaki. Na final ora di bandoná e edifisio a bin tuma nota ku e saku yena sigur lo no a pasa dor di e buraku ku a ser traha den e porta. No a keda e ladronnan nada mas di kue algun artíkulo bai kuné lagando e saku yena atras. Polis ku a presentá a pidi asistensia di e tim Forensiko pa asina por a hasi mas investigashon den e botica. Tin ku bisa ku esaki ta bira di e tantísimo negoshinan den Otrobanda ku ta ser kibra i hòrta den nan den oranan di mardugá ora no tin kasi niun hende den kaya.