Tata ta hinka yu muhé (8) mata

100
tata kruelmente ta mata su propio yu muhé (8)
ROTTERDAM—Polis a detené un hòmber di 40 aña sospechá di a hinka su propio yu  muhé di 8 aña mata.

Lo el a komete su akto kruel den òf rondo di hospital Maasstad na Rotterdam. E hòmber tabata na hospital djasbra pero a bolbe bai ku su yu. Polis a haña melding alrededor despues di 20:00 di team di krisis hubenil Rotterdam Rijnmond. Nan tabata preokupá pa e mucha. Despues polis a start un investigashon.  E tata a mèldu alrededor 21:30 na hospital Maasstad. El a bisa unda den hospital e yu tabata. Agentenan a bin topa e yu gravemente heridá. A purba reanimá i operá e kriatura pero lamentablemente el a bin fayesé. Polis ta papia di un insidente kruel. Ainda tin hopi preguntanan segun bosero polisial. E sospechoso a keda detené pa interogashon.