Hòmber saliendo for di kas despues di a kaba di hòrta arestá

Den Mamayaweg

3029

Willemstad— Bon trabou di e bewakernan di e kompania di Securitas a logra di detené un hòmber ku nèt a kaba di hòrta den un kas na Mamayaweg.

Ayera den oranan di mainta e personal di e kompania di vigilansha Securitas a haña e informashon ku tin un kiebro tumando lugá den un kas na Mamayaweg. Mesora a bai na e sitio indiká i nèt na nan yegada nan a bin topa un hòmber saliendo ku vários artíkulo den su man for di den e kas unda e la kaba di kibra drenta pa hòrta. Mesora e la keda arestá na e sitio mes i a pidi asistensia di Polis ku a presentá i a detené e sospechoso bai warda kuné. a konfiská e artíkulonan ku e  tabatin den su poder. No masha leu for di e sitio a bin topa ku e vehíkulo kue  hòmber a presentá kuné pa asina por a transportá e artíkulonan. E vehíkulo ainda tabata asta di start. Polis a pidi asistensia di un kran pa asina por a konfiská e vehíkulo bai warda kuné. A pone e doño di e kas na altura ku a presentá mesora pa wak kiko tur e tipo kier a kue bai kuné for di su kas.