Outo sendé na kandela den kurá di kas

920
Willemstad— Polis ta investigando un kaso di insendio ku mester a tuma lugá den kura di un kas na Papayaweg.

 

Tabata djasabra den oranan di anochi lat ora ku habitantenan di un kas den Papayaweg a tende un mira lus fuerte pafó den kura di kas  i na momento ku  nan a sali bai afó a bin topa ku nan vehíkulo ku tabata stashoná den e kura di kas lo tabata na kandela. A bin resultá ku deskonosínan a logra di drenta den e kura di kas unda a basha un líkido flamabel tantu padilanti di  e vehíkulo komo patras   pa despues a  sende esaki na kandela. E kandela asta mester a yega na e parti paden di e vehíkulo unda esaki a bin kousa daño na e interior  Aktuashon rápido di e habitantenan mes hasiendo uso di bòter di fumait i tambe mas despues di e pagadónan di kandela ku a ser yama i ku a presentá a logra di dominá e kandela pa evitá ku esaki por a destruí e vehíkulo por kompletu. Mesora a kuminsá ku e investigashon pa saka afó kon bini kier a destruí e vehíkulo i tambe ken por ta responsabel pa esaki.