Kaha fuerte prosedente di atrako haña banda di vèlt Quik 60

916
Negoshi unda drenta i bai ku e kaha fuerte.
Tabata banda di e vèlt Quick 60 ku a bin topa ku e kaha fuerte benta.
Polisnan hasiendo investigashon na e artíkulonan ku a bin topa kuné.

Willemstad— Polis ta investigando un kaso di atrako ku a tuma lugá den un negoshi riba Kaya Wilson Papa Godett unda a kue e kaha fuerte bai kuné.

Antisosialnan a logra di drenta Scuba Lodge na Kaya Wilson Papa Godett na unda a logra di poderá di e kaha fuerte ku kontenido bai kuné.  Ayera den oranan di atardi Polis a keda avisá ku riba e tereno di vèlt di bala Quick 60 mester a bin topa ku e kaha fuerte benta ku vários dokumento ainda benta den su serkania. Polis huntu ku  gerente di e negoshi a bai na e sitio indiká unda enbèrdat a bin topa ku e kaha fuerte i e dokumentonan. A logra di habri e kaha fuerte i saka e loke nan ku tabata di balor bai kuné. Reshèrshi forensiko tambe a presentá na e sitio pa asina por a hasi e demas investigashonnan.•

Ya a logra di saka tur sèn bai kuné.