Dama ta bira malu tras di stür basha porta di sastreria abou

1182
Willemstad—- Un dama ku tabata manehando un outo i a hañ’é envolví den un aksidente na Kas Chikí a ser hiba Poli despues di a bira malu tras di stür.

Den oranan di atardi a  pidi asistensia di ambulans pa presentá na kas Chikí pa sigur dos persona ku tabatin mester di asistensia. Einan a bin resultá ku un dama tras di stür tabata para na e punta di hanchi banda di Bob Car Wash i kier a subi Schottegatweg West den direkshon di rotònde Palu Blanku.

Paden tambe tabatin basta destrukshon.

Dado momento e dama mester a bira malu tras di stür pone ku su pia a bira pisa primi e tròt pone ku e vehíkulo ku e tabata manehá e kue velosidat krusa kaya bai dal nèt kontra di un sastreria. E impakto tabata unu basta fuerte pone ku e porta di e negoshi a wòrdu destruí. E porta asta a kai riba e kosedó ku tabata kosiendo den e negoshi. Ambulans a presentá i a duna asistensia na ámbos víktima.