Hòmber ku problema muskular ta baha den awa na Waaigat

E la wòrdu tira i awor pianan no ta move

715
Por mira e suidadano landando den e bahia di Waaigat.
Willemstad— Mester a pidi asistensia di Polis pa asina yuda saka un hòmber for di den e bahia di Waaigat.
Polis tendiendo su deklarashon ku e la wòrdu tira i no por usa su pianan.

Den oranan di atardi a tuma nota di un hòmber ta sapatia den e bahia di Waaigat. Mesora a pidi asistensia di Polis pa asina por a yuda saka e hòmber aki pa pone na tera firme. Na yegada a bin tuma nota ku e hòmber no por move masha bon ku su pianan ya ku e la wòrdu tira. E hòmber tabata lastra i asina mes a baha den laman. A logra di sake for di den e bahia unda e la splika ku un par di tempu pasa e la wòrdu tira na dos parti di su pia. E tabata interná den afdeling di Paaz na Sehos debí ku e no por a move bon pero a opta pa Sali bai lastrando for di Hospital te Punda. Awor e kier a landa un tiki pa asina e por a yuda su pianan rekuperá. Polis a keda di buska un instansha ku por yuda e hòmber aki rekuperá di e heridanan di bala ku e la sufri i tambe pa haña un terapia pa asina por yud’é kana bek.