Hòmber arma ta baha fo’i “Vitz” shinishi hisa kaha di plaka bai kuné

3336
Willemstad—- Un tipo arma ta drenta Minimarket chines riba Cubaweg hisa kaha di plaka bai kuné.

 

E Famoso vehíkulo Vitz kolo shinishi ku e dos tiponan atrakadó den dje ta sigui riba ròndu. Ayera a toko turno na e minimarket chines kolo hel riba Cubaweg. Na e momento di e atrako tabatin vários persona presente tantu den e negoshi komo pafó sinta. Dado momento a tuma nota ku un vehíkulo di e marka Vitz a kore yega para dilanti di e negoshi i un hòmber kompletamente bisti na pretu ku un sombré riba su kabes i tambe ku un paña pretu ta tapa su kara a baha for di e vehíkulo i kore drenta den e minimarket. E tabatin un arma di kandela den su man ku kual e la menasa tur hende. A surgi un korementu tantu paden di e negoshi komo pafó kual a bira mas fásil ainda pa e tipo hisa e kaha di plaka bai kuné i drenta e vehíkulo bai for di e sitio. Polis ku a presentá a keda enkargá ku e investigashon.