Hòmber ta presentá ku mukel destruí porta di glas kue dos motor di boto bai kuné

Den negoshi riba Caracasbaaiweg

1064
Willemstad—Un tipo den oranan di mardugá a destruí e porta di glas di e negoshi Island Water World riba Caracasbaaiweg i a logra di kue dos motor di boto bai kuné.

 

Den oranan di mardugá Polis a keda dirigí pa e negoshi Island Water World riba Caracasbaaiweg pa un kiebro. Na yegada di polis a bin topa ku e porta di glas na e parti padilanti di e edifisio destruí i tambe por a mira ainda un mukel basta grandi benta den e negoshi. For di un testigu por a komprondé ku a tuma nota di un hòmber ku a kana Sali for di e patras di e edifisio ku un mukel den su man.

Mukel kua ser usá pa kibra e glas i a bai laga esaki atras.

Na e parti padilanti e la destruí e glas ku e mukel pa asina e por a drenta den e negoshi pa despues Sali ku dos motor di boto lagando e mukel atras. Polis a pidi presensia di e doño di negoshi na e sitio ya asina e por a kue un inventario di tur loke a ser hòrta for di den su negoshi. E kaso ta den investigashon.