Ladron ta lòs bala pa e hui bai laga  Polis

5617
Willemstad—- Polis mester a bai Hermesweg pa un kaso di ladronisia ku tabata tumando lugá den oranan di mardugá.

Den oranan di mardugá Polis a haña e informashon ku tin tres tipo ku a kaba di kibra drenta den un kas den Hermesweg i ainda nan tabata den e kas listrando. Polis ku a logra di yega rápidamente na e sitio a tuma nota di sigur tres tipo ku a kore sali  for di e kas i a kue direkshon di e  roi yena ku palu i mata ku tin den serkania. Ora ku Polis a sali tras di un di e suhetonan esaki mester a  saka un arma di kandela i a los sigur dos tiru den laira pa asina por a haña chèns pa hui bai. Mesora polis a kuminsá ku un búskeda den e aria i a bin topa ku un vehíkulo stashoná no muchu leu for di e  kas ku un hòmber sinta den dje.

Riba e stul patras a bin topa ku un pata di kabra i tambe den e vehíkulo a bin haña plachi di number ku no tabata kuadra ku number di e vehíkulo. Mesora a detené e hòmber komo kómplise den e kaso di ladronisia i a konfiská tambe e vehíkulo bai warda kuné pa mas investigashon.  Na e kas a bin komprondé ku e tres suhetonan a logra di kibra drenta den e kas unda a kuminsá buska pa artíkulonan di balor. Un di nan asta a kue yabi i un vehíkulo ku tabata stashoná den e kura i a trata di bai ku esaki pero a keda na un intento. Pero si a logra di kue algun artíkulo for di den e kas bai kuné.  E kaso ta den investigashon.