Manchester United ya tin un rekambio pa Alexis Sánchez

69
Fot irving: Irving Lozano a skor 15 gol e temporada aki pa plantel di PSV, ta dispuesto pa dal e stap grandi pa pasá pa Premier League. Manchester United ta ful interesá den dje.
 

 

MANCHESTER,  – Na porta dje duelo di Champions League entre Manchester United i Barcelona,  Man U  ya a kuminsá wak e futuro deportivo di algun hungadó.  Esaki ta e kaso di e delantero chileno Alexis Sánchez di kende presisamente ta un eks hungadó di  Barcelona, porsierto ku no a kaba di fit den e ekipo di Old Trafford.

Segun e korant  britániko ‘Express’, e entrenadó di Manchester United, Solksjaer, ya ta buskando sustituto pa e chileno.

Segun fuentenan yega na e situashon esun skohe lo ta e delantero dje ekipo di PSV Eindhoven, Irving Lozano, di 23 aña ku porsierto ta triunfando den Eredivisie.

Lozano ya a skor 15 gol e temporada aki i lo ta dispuesto pa dal e stap grandi pa pasá pa  Premier League. Su klóusula di restinshon den su kontrakt lo ta di 30 mion euro,  porsierto un kantidat ku Manchester United lo por akseptá di paga teniendo na kuenta ku nan lo bai bende   Alexis Sánchez pa muchu mas plaka.

“Mi ta spera ku  Dios algun dia lo nami e oportunidat di hunga den  Premier League“, asina  Irving Lozano  a bisa resientemente  tokante un posibel salida di PSV.

“Mi ta gusta e idea masha hopi mes. Mi ta kere ku  Premier League ta un kompetishon  genial”, asina e mèksikano a duna di konosé.

E ekipo di Atlético Madrid  parse tambe ke meskla su mes den e lucha pa optené internashonal mehikano,  Hirving Lozano.

E atakante di PSV  tin mas opshon si paso e ekipo di Manchester United i Borussia Dortmund tambe tin su situashon tambe hopi bou di kontròl i ta sigui esaki di aserka.

For  di despues ku Ole Gunnar Solskjaer  definitivamente a keda  anunsiá komo manager di  Manchester United, parse e la kuminsá di hinka su plannan den otro pa loke ta próksimo otro temporada. 

E ekipo di Manchester United manera a keda publiká algun dia atras  parse lo bai bende   Sánchez den zomer próksimo pa asina atkerí poko plaka den kaha i kumpra hungadónan di sanger nobo. E chileno no ta den su mihó aña.

Medionan britániko algun siman atras a delantá ku den kaso e chileno bai for dje ekipo di  Old Trafford, ” e ta kore un peliger grave di kombertí su mes den un dje erornan mas kostoso den historia di Premier League”.

Kada biaha e delantero ta mas separá for di  United loke ta nifiká ku e chileno lo por bandoná e ekipo di ‘reds’ den e próksimo merkado di kontratashon.

Su rendimentu ta leu di loke a keda spera pa un hungadó ku ta kobra 25 mion euro pa aña, miéntras tambe tin e hecho ku Martial a kita e puesto di titular for di dje den e 11 hungadónan titular  den   Manchester ratu kaba.