Real ta papiando ku Raiola pa optené internashonal franses

86
Fot paul: Paul Pogba i su agente Mino Raiola. Real Madrid parse ta kombersando ku e agente dje mediokampista di Man U.

MADRID,  – Den e plantel di Real Madrid  tin e speransa ku  Mino Raiola lo por trese Paul Pogba  for di  Manchester United pa Santiago Bernabeu.

E agente dje hungadó franses lo por forma un strategia pa saka e kampeon mundial for di Inglatera  i trese Spaña.

E ekipo di Real Madrid tin deseo grandi di reforsá su plantel ku e kampeon mundial, pero  Manchester United  lo no bai duna koperashon na esaki asina “zomaar”.

Nan lo koperá solamente si den e deal ta inkluí  Toni Kroos i Gareth Bale.  Si e dosnan aki ta den negosashon e ora ei  “the Red Devils” por evaluá pa laga e franses bai.

Manchester United den yanüari  kera sinta ku Pogba nan mesa pa asina prolongá su kontrakt ku mester kaba na  2021. 

E mediokampista franses a gradisí amabelmente pa sugerensia i no ta pensa aktualmente den un prolongashon di kontrakt.

Riba e lista aktual di Real Madrid i Zinadine Zidane  ta figura Hazard, Pogba, Lucas, Mané  i Mbappé. Ban  mira kiko la pasá den zomer próksimo.

E ekipo di Manchester United pa medio di nan direktor,  Ed Woodward, no tin idea laga  Paul Pogba ni den yanüari ni den zomer tampoko.

E mediokampista franses ta den mira di vários ekipo grandi manera  Barcelona i Juventus.