Hòmber ta muri mará i kimá na Breda

209
brantwer ta purba paga kandela
BREDA—Un hòmber di 49 aña ku a keda gravemente heridá den un kandela den un deposito na Breda a fayesé den hospital ayera mainta.

E víktima a keda mará pa tres sospechoso ku a peg’e na kandela. Asina polis a informá. E víktima a logra papia ku polis prome ku el a fayesé. Polis ta sospechá ken e sospechosonan ta. A base di deklarashonnan di e víktima por papia di un asesinato kruel. Djaluna anochi polis a haña alrededor di 21:15 melding di un kandela den Sparrenweg. Tambe a bisa den e melding ku tabatin un eksplosivo. Pero no tabatin eksplosivo, pero si agentenan un deposito na kandela kaminda e víktima tabatin un negoshi. E víktima ya tabata bou di douche di bisiñanan ku heridanan grave. Ainda e por a papia i a deklará ku sospechosonan a mar’e i peg’e na kandela. Polis ta buskando e sospechosonan. Un di nan a hui den un Volkswagen Caddy. Un team di reshershi a start un investigashon na gran eskala riba e atentado. Banda di investigashon tekniko i taktiko polis ta tene un investigashon den bario. Mas aleu ta buska imagennan di kámara. Un di e sospechosonan a mèldu na polis. E tabata esun den e Volkswagen. Ta trata di un hòmber di 51 aña di Breda. El a keda detené.