Sifra di mortonan pa mal tempu na Rio de Janeiro ta alkansá 7

68
Inundashonnan registrá pa e fuerte kaida di áwaseru.

RIO DE JANEIRO – E fuerte áwaseru ku ta kai riba Rio de Janeiro for di oranan di djaluna anochi i a kontinuá den oranan di ayera, a laga saldo di shete morto, meskos ku kantidat indeskriptibel di inundashonnan ku tin e estado den un krísis.

Segun a keda indiká, tabata den oranan di ayera atardi ku haña tres kurpa sin bida den un vehíkulo, despues ku un bibienda a basha den otro. E kurpanan aki ainda no a logra keda identifiká. Si a indiká ku ta trata aki di un wela, su nietu i un taksista.

Den oranan di mardugá otro derumbe a kousa morto tambe di dos muhé, unda ainda tin un hòmber reportá komo pèrdí.

E fuerte kaida di áwaseru aki a provoká ademas ku tabatin vários inundashon, avalanchanan di tera i inkluso derumbe di bibienda i edifisionan den e zona.