GIO ta bèk den Heintje Kool den ambiente di Baseball Veterano

271
Nan tei djadumingu awor na Heintje Kool despues di 15 aña.

WILLEMSTAD,—-Djadumingu awor despues di 15 aña agrupashon musikal GIO ta bai presentá na Heintje Kool, kaminda ku lo bai tin wega nan di baseball veterano. Nos tin informashon ku pa djadumingu aki e legendario kantante Urvin “Luwi”Jano tambe lo bai tei pa asina pone Heintje Kool ariba abou.

‘E Mulina’, tin informashon ku e formashon musikal ta bai kuminsá bèk ku nan presentashon nan riba vèlt i tambe na Playa nan,manera ku nan tabata hasi den pasado. Pa ku esaki mes nan ta kuminsá djadumingu awor na e sitio ariba menshoná.

Mester bisa ku for di siman pasa djasabra ku GIO a hasi nan regreso bèk den farándula bou di e konstelashon original, ta masha hopi reakshon mes tin den kaya rondó di e agrupashon musikal GIO. Pues djadumingu awor GIO ta ranka sali ku nan promé presentashon den Bario, i nan ta na Heintje Kool despues di 15 aña.

‘E Mulina’, sin duda ta bai sigui e agrupashon musikal hopi di aserka, paso nos a komprendé ku ta masha hopi kos nan tin na kaminda. Loke ku GIO ta bai kuminsá kuné aki, ta bon pa otro agrupashon musikal nan tambe bin ku mes un fórmula, paso den e forma aki tambe por lanta e interes di farándula bèk.