Mama i padastro apsolvé di morto di yu

220
eks-pareha apsolvé di krímen
ROTTERDAM—Korte na Rotterdam a apsolvé un eks-pareha di Zwaag di asesinato di nan yu Joëlle di 29 aña.

El a fayesé den 2012. Na prome instansia a sospechá suisidio, pero despues ku polis a habri e kaso investigahon a mustra ku ta asesinato. Segun korte no tin prueba ku ta e mama Linda H i e padastro Leo den H ta tras di e asesinato. OM, ku luna pasa a pidi 10 aña kastigu kontra e duo pa asesinato, a basa riba tres deklarashon di testigunan den famia. Segun OM e mama a bisa famia ku el a yuda Joelle pa komete suisidio. E duo li a duna e víktima un  píldora di euthanasia na e dama invalid mientras nan tabata tene. Pero segun korte e deklarashonnan no ta sufisiente evidensia pa asesinato. E tres personanan a influensia otro inkonsientemente durante último añanan segun korte, pues nan deklarashon no por hiba na un kondena. Entretantu e pareha ku a kibra ku otro, a bisa den korte luna pasa ku nan no ta envolví den morto di Joelle. Segun e tata di kriansa Joelle a bai mentalmente i fisikamente atras e último dos aña porme ku su morto. Djis despues di e dama su morto a sali for di punto di bista ku e dama a komete suisidio. E kaso a bini dilanti atrobe ora polis a hasi investigashon di suisidio di un otro yu Thirza (29) den 2016. Esaki a komete suisidio despues di abusu seksual pa años komete pa e lider di instituto evangeliko Hoeve Jedidja, kaminda e mama tabata traha. Den algun aña tabatin tres kaso di morto dudoso den sirkulo di mama Linda H. den e kasonan aki no a haña prueba di asesinato. Tur víktima  tabata biba den e instituto Hoeve Jedidja na Meerkerk. Den 2018 e direktor di e sentro (77) a keda kondená na 1,5 di kastigu pa abusu.