Otro siman Ivan Belfor su piesa nobo lo bai ta riba merkado

59
Pa fin di otro siman su piesa nobo ta bai kuminsá zona.

WILLEMSTAD,—-E kantante di agrupashon musikal Zudup Hopi Forsa ku ta Ivan Belfor ta den studio di grabashon pa ku su piesa nobo. E kantante mes ta kompositor di su piesa nobo i Mus ta esun ku tin e areglo den su man.

Titulo di e piesa nobo di Ivan Belfor ta “Pa kiko stimabu”. Nos a komprendé ku ta trata aki di un piesa ku ta hopi riku na letra, i ta un piesa ku ta papia palabra hopi profundo ku sigur ta bai toka ku hopi hende su Kurason, manera ku Ivan a bin ta hasi e último aña nan aki.

Pero tambe nos tin informashon ku a banda Zudup Hopi Forsa tin un biahe pa Hulanda, kaminda ku nan lo bai tin algun presentashon, esaki lo bai ta den luna di yüni. Mester bisa ku tin hopi interes pa e banda en kuestion na Hulanda.

Tambe ‘E Mulina’, tin informashon ku Zudup ta trahando riba un otro CD ku piesa nan nobo so ariba. Pero loke ku ta e informashon prinsipal ta ku Ivan Belfor pa fin di otro siman su piesa nobo “Pa kiko stimabu” lo bai kuminsá zona na diferente radio emisora musikal.